Es Programm

In seim neie Programm „Tatsache!“ vezeehlt de Lauer Rudi luschdiche Geschichte unn zauwert, do schnallscht du ab. Zuerscht brunscht du dir vor lauder Lache ball in die Bux, gleichzeidich bisch du regelrecht fertich met de Welt vunn dem seine Driggs.

Fortsdrogge vezählt der manchesmol wie e Flabbes wirkende Lauer vunn seine Spinnereie und Dinger, die er erlebt hat, vunn seine Urlauwe unn vunn demm spassiche Pälzer Brauch, demm rollende Schoppe, wo „de Schnauzbart e Schnauzbad nemmt“ unn die Fraa rechts vum Lauer hoffentlich nur e Pittche iwwer de Lipp hat. Unn wann er an friher denkt, werds ihm fascht immer e bissche warm um die Herzgechend .

Mett seiner klenkariert Kapp, de Brill unn de Wescht sieht de saarlännisch Taxifahrer gar nett aus wie e Zauwerer. So enfach wie sei Klamotte sinn, is a sei Zauwerzeich. Met nemm Tischche unn ner Dasch voller nitzlicher Sache kommt er guud klar. Unn er braucht debai ke groß Schengmenges, die Zauwerei bassiert ganz neweher unn er vezehlt dezu dummes Zeich vunn dehemm unn zeid sei Schnachbär, demm er das een oder annere Kunststickche beigebrung hat.

Filmche zu „Tatsache“