Kassl, Meeenz unn Gosla

Endlich gehts widder los: die komische ächte. In Kassl, Meeenz unn Gosla bin ich denne do Herbscht mett debai. Ich frei mich riesich druff unn werr zusamme met de liewe Kolleche die Leit so richtich zum Lache bringe. Ich zeich eich dort jeweils 25 Minudde aus meim aktuelle Programm „Tatsache!“.Unn das ganze fünf Mol in fünf veschiedene Wertschafte. Also enfach vorbeikomme unn viel Spaß hann.

komische Nächte

Komische Nacht Goslar

Weidere Infos üwwer die Veranstaltungen gebbts do

Es Konzept vunn de Komische Naacht

Die Komische Naacht is eens der erfolgreischte Fertsmacherdinger in Deitschland. Denne Spaß-Marathon gebbts schunn seid einiche Johr in iwwer 25 deitsche Städt. An so nem Owend trete unnerschiedliche Komiker unn annere Fertsmacher uff, die de Leit unnerhaltsam de ganze Owend dummes Zeich vezähle. Es is so e Art Querschnitt dorch denne momentane Komikerhaufe in Deitschland. In jedi Wertschaft komme an so nem Owend fünf Komiker fa jeweils 25 Minutte. Desweche muss du nett vunn Wertschaft zu Wertschafft laafe, um die unnerschiedliche Komiker zu siehn, sonnern du kafscht dir e Intrittskart fa die Lieblingswertschaft. Die Komiker müsse nämlich an demm Owend vunn Wertschaft zu Wertschaft laafe.