Rudelgugge mem Lauer Rudi

Am nägschte Sunnda ises soweit: Die Deitsche hann ihr erschtes Spiel bei de Fußball-WM unn ich bin mett debai.

Zauberer Rudi Lauer für bei der Fußball WM

Ei joo, nett direkt. Ich bin lediglich vor Ort im Saarland unn heize dort vor dem Rudelgugge die Stimmung aan. Im Stadion in Riechelsberch komm ich zwische 14:30 Uhr unn 15:30 Uhr uff die Biehn. Unn dodevor hann ich mir viel vorgenomm: Mir werre uns gemeinsam uff das Spiel geche Mexiko vorbereide unn kräftich iewe. Es Klatsche, Schreie unn es Ausflippe. Unn nadierlich die saarlännisch Lyoner-Laola. Ich bin gespannt wie e Flizzebooe unn frei mich.

Unn weil mei Lieblinge, Idalie unn Holland, desmol nett bei de WM debai sinn, lee ich fa die noch e Gedenkminutt inn. Es is werklich schaad, dass mir desmol weder Idalie noch Holland aus em Turnier schmeiße kenne. Werklich schaad…